МТМ НЕТ

Новата детска градинка „Лавче“ во населеното место Инџиково наскоро официјално ќе започне со работа, со што најмладите жители добиваат нов, современ и безбеден простор приспособен за игра, едукација и социјализација.

Градоначалникот на Општина Гази Баба, Бобан Стефковски, соопшти дека со пуштањето во употреба на оваа установа се создаваат подобри услови за згрижување и детски развој во населбата.

Тој ги покани сите родители од Инџиково кои имаат потреба од услугите на градинката навремено да ја искористат можноста за аплицирање.

Од општинската управа информираат дека пријавувањето за запишување се врши лично во просториите на централниот објект на детската градинка „25 Мај“, кој се наоѓа на улица „Среќко Пужалка“ број 112, наспроти Основното општинско училиште „Крсте Мисирков“ во населбата Ченто.

Фото извор: https://www.facebook.com/StefkovskiB