МТМ НЕТ

Водата од водоснабдителниот систем на Скопје е безбедна за пиење, покажуваат резултатите од дневниот мониторинг на ЈП „Водовод и канализација“.

Во текот на 24 септември, Секторот за санитарна контрола зел 41 примерок од водоводната мрежа во Скопје, од кои три биле од бунарскиот потег Нерези–Лепенец.

Примероците се испитуваат во акредитираните лаборатории при Секторот за санитарна контрола, каде се вршат физичко-хемиски и микробиолошки анализи согласно прописите за безбедност и квалитет на водата за пиење.

Од ЈП „Водовод и канализација“ соопштуваат дека, согласно добиените резултати, сите испитани примероци од водоснабдителниот систем на град Скопје одговараат на Правилникот за барања за безбедност и квалитет на водата за пиење.