МТМ НЕТ

Од владејачката партија ВМРО-ДПМНЕ излегоа со остри реакции на најновите јавни настапи на претседателот на СДСМ, Венко Филипче, обвинувајќи го дека се наоѓа во тешка и неконтролирана психолошка состојба.

Според партиското соопштение, Филипче е „уценет и исплашен човек“ кој има сериозни политички долгови, од една страна кон поранешниот премиер Зоран Заев кој го инсталирал на претседателското столче, а од друга страна кон бугарскиот претседател Румен Радев, пред кој наводно презел опасни обврски.

Од ВМРО-ДПМНЕ истакнуваат дека СДСМ под раководство на Филипче е претворена во маргинална партија разурната од внатрешни конфликти, меѓусебни обвинувања за криминал и јавни пресметки меѓу сопартијците.

Во текстот се додава дека неговите политички ставови за уставните измени и евроинтеграциите целосно се совпаѓаат со официјалната бугарска политика, што според нив претставува директно слугување на туѓи интереси на штета на македонските државни позиции.

Партијата во својата реакција се осврна и на неговиот секојдневен речник во јавните настапи, оценувајќи дека неговото непресметливо однесување и употребата на неприродни квалификации се директна последица на притисоците со кои соочува.

Заклучувајќи дека на ваквите настапи гледаат со жалење и сочувство, од ВМРО-ДПМНЕ му упатија јавна препорака на лидер на опозицијата што поскоро да побара стручна медицинска помош.