МТМ НЕТ

Претседателката на државата, Гордана Сиљановска Давкова, и претседателот на Сојузот на стопански комори, Горан Ѓорѓиевски, денеска свечено ги доделија престижните признанија „Македонски квалитет“ за 2025 година. Оваа награда им се врачува на најуспешните домашни компании кои преку својот континуиран раст, иновативен пристап и високи стандарди во работењето даваат значаен придонес за националната економија и нејзината меѓународна промоција.

Претседателката на државата, Гордана Сиљановска Давкова, и претседателот на Сојузот на стопански комори, Горан Ѓорѓиевски, денеска ги врачија престижните признанија „Македонски квалитет“ за 2025 година. Оваа награда се доделува на единаесет компании кои преку своето работење демонстрираат врвни стандарди, стабилен раст и значаен придонес во националната економија и нејзината меѓународна промоција.

Во просториите на Јуроп Хаус Скопје денеска официјално беше заокружено второто издание на интерактивната игра „НАВИГАТОР 2.0“. Овој иновативен проект, кој користи гејмификација за едукација на младите, годинава привлече огромен интерес со одговорени речиси 450.000 прашања поврзани со човековите права.

Во седиштето на Европската комисија во Брисел, во присуство на еврокомесарот за проширување Марта Кос, директорот на македонската Царинска управа Бобан Николовски и директорот на бугарската Национална царинска агенција Георги Димов потпишаа Меморандум за електронска размена на податоци. Овој документ е од клучно значење за забрзување на легалната трговија меѓу двете земји и поефикасно спречување на царинските измами, со што директно се зајакнува позицијата на македонската економија на европскиот пазар.

Општина Битола продолжува со својата стратегија за искористување на обновливите извори на енергија, насочувајќи се кон целосна енергетска независност на образовните институции. На претстојната седница на Советот ќе се најде анекс-договорот со Фондацијата „Отворено општество“, кој предвидува донација на фотоволтаични системи за две дополнителни основни училишта – централното училиште „Даме Груев“ и ОУ „Свети Климент Охридски“.

Националниот ансамбл за народни игри и песни на Македонија „Танец“ со длабока тага ја извести јавноста дека годишниот концерт, претходно најавен за 20 декември 2025 година, нема да се одржи. Одлуката за откажување на настанот доаѓа по веста за ненадејната смрт на долгогодишниот член на ансамблот, истакнатиот играорец, солист и кореограф, Симеон Чулев.

Мисијата на ОБСЕ во Скопје денеска ги презентираше резултатите од најновото истражување посветено на онлајн и офлајн-насилството врз младите жени и девојки во јавниот живот. Податоците откриваат загрижувачки тренд – голем дел од младите жени се чувствуваат небезбедно на јавни места поради нивниот род, додека стапката на пријавување на ваквите случаи останува критично ниска.

Академијата за странски јазици „English Language Academy“ (ELA) со гордост ја најавува својата традиционална хуманитарна акција, која годинава се одржува по трет пат. Под мотото „ELA во Погон“, учениците од оваа академија подготвуваат голем Божиќен базар на кој преку креативност и солидарност ќе се собираат средства за оние на кои им е најпотребно.

Градоначалникот на Битола, Тони Коњановски, денеска во својот кабинет оствари официјална средба со амбасадорката на Израел во земјава, Вивиен Аисен. За време на разговорот беа потврдени традиционално одличните билатерални односи и силното пријателство меѓу двете држави, со фокус на продлабочување на локалната соработка.

Градоначалникот на Битола, Тони Коњановски, денеска беше домаќин на министерот за социјална политика, демографија и млади, Фатмир Лимани. Главни теми на нивната работна средба беа унапредувањето на локалната социјална заштита, подобрувањето на демографската слика во градот, како и креирањето конкретни мерки за поддршка на младите со цел нивно задржување во родниот крај.

Здружението на новинари на Македонија (ЗНМ) и Самостојниот синдикат на новинари и медиумски работници (ССНМ) изразија сериозна загриженост во однос на одредени формулации во предлог-Резолуцијата за миграција, која партиите од владината коалиција ја поднесоа до Собранието. Новинарските организации предупредуваат дека недоволно прецизните делови од документот кои се однесуваат на јавниот говор и медиумското известување можат да ја ограничат слободата на изразување и правото на информирање.